పూరి జగన్నాథ్ దర్శకత్వంలో ఆర్ ఆర్ మూవీ మేక్సర్స్ నిర్మాణంలో మహేష్ బాబు-కాజల్ జంటగా ఈ సినిమా రూపొందింది. ఇందులో సూర్య పాత్ర పోషించిన మహేష్ బాబు ముంబైకి భాయ్(డాన్)కావాలనే లక్ష్యంతో ఉంటాడు. సినిమాలో మహేష్ బాబు యాక్టింగ్, డైలాగ్ డెలివరీ కేకపుట్టిస్తుందని అభిమానులు కేరింతలు కొడుతున్నారు. ఈ చిత్రానికి థమన్ జోష్ తో కూడిన సంగీతం అందించారని, పాటల చిత్రీకరణ కూడా అద్భుతంగా ఉందని అభిమానుల నుంచి వినిపిస్తున్న వాదన.
అయితే కొందరు మాత్రం క్లైమాక్స్ మరింత బాగా తీస్తే అద్భుతంగా ఉండేదని, ఈ క్లైమాక్స్ కాస్త రొటీన్ గా ఉందని అంటున్నారు. ఏది ఏమైనా సినిమా హిట్ టాక్ రావడంతో మహేష్ బాబుతో పాటు, దర్శక, నిర్మాతలు ఊపిరి పీల్చుకున్నారు. మరి ఈ సినిమా పాతరికార్డులను బద్దలు కొడుతుందో? లేదో మరికొన్ని రోజుల్లో తేల నుంది.