బాలీవుడ్ బాద్ షా బిగ్ బి అమితాబ్ బచ్చన్, ఇంకొందరు ఫిల్మ్ పర్సనాల్టీస్ పై లైంగిక ఆరోపణలు చేసింది హీరోయిన్ సయాలీ భగత్. బ్లేడ్ బాబ్జీలో అల్లరి నరేష్ సరసన నటించిన ఈమె అంతకు ముందు నుంచే బాలీవుడ్ లో విపరీతమైన ప్రయత్నాలు చేస్తుంది. వాటన్నింటి కంటే ముందే మిస్ ఇండియా గానూ గెలిచింది. తన అందంతో బాలీవుడ్ లో అవకాశాల కోసం ప్రయత్నించిన ఫలించలేదు. బ్లేడ్ బాబ్జీ సినిమా మంచి రెస్పాన్స్ అందుకున్నా సయాలీ భగత్ కు మాత్రం పెద్దగా అవకాశాలు దక్కలేదు. అటు బాలీవుడ్, ఇటు టాలీవుడ్ లో అవకాశాలు లేని ఈమె సినీ పరిశ్రమకు గుడ్ బై చెబుదామనుకుంటుందట. అయితే అంత కంటే ముందు సినీ పరిశ్రమలో తను ఎలా లైంగికంగా వేధింపులకు గురయ్యింది అన్న విషయాన్ని ప్రపంచానికి తెలియజేసి, ఫిల్మ్ పర్సనాల్టీస్ కు బుద్ధి చెప్పాలనుకుంటుందట. ఓ పబ్లిక్ ఫంక్షన్ లో అమితాబ్ పాదాలకు నమస్కారం చేయబోతే ఆయన తాకకూడ చోట తాకారని, హౌస్ పుల్ సినిమాలో అవకాశం కావాలంటే తన ముందు నగ్నంగా నిలబడమని నటుడు, దర్శకుడు సాజిద్ ఖాన్ అన్నాడని, ఆర్య బబ్బర్ అనే మరో నటుడు బూతు ఎస్.ఎం.ఎస్ లు, ఎమ్.ఎమ్.ఎస్ లు పంపాడని ఆరోపణలు చేసింది. ఆరోపణలకు ఆధారాలు కూడా ఉన్నాయంటుంది. మరి పోలీస్ స్టేషన్ లో కంప్లైంట్ చేయవచ్చు కదా అంటే మాత్రం నిరాకరిస్తుందట. దీంతో ఈ అమ్మడు చేస్తున్న ఆరోపణలో నిజమెంత అనేది బాలీవుడ్ జనాలకు అర్ధం కావడం లేదు. అవకాశాలు లేకపోవడంతో పబ్లిసిటీ కోసం ఇలా స్థాయి దిగజారి మాట్లాడుతుందా అనే వారు కూడా ఉన్నారు.